Chapter 33
"Ang laki naman ng bahay na 'to, Anak! Dito na ba talaga tayo titira?" namamanghang usal ng kanyang Ina nang makapasok na sila sa loob ng mansyon. "Opo, 'Nay. Mula ngayon, dito na po tayo titira," nakangiting usal niya naman sa Ina at napatingin kay Mika na masaya rin para sa pamilya ng binata. "E, Anak! Ito na ba ang tinatawag nilang mansyon?" sabat naman ng kanyang Ama habang iniikot din ang pangin sa paligid. At nang makita nito ang swimming pool sa likod ng mansyon ay agad itong tumakbo dahil sa tuwa. Natawa na lang si Juan Miguel dahil nag-animo'y bata ang Ama ng makakita ng swimming pool. "Naku, ang Tatay mo talaga!" usal naman ng Ina at napangiti na lang din. "Nagustuhan niyo po ba, Inay?" tanong nito sa Ina. "Oo naman, Anak. Pero saan ka ba kumuha ng pambili nito? Alam ko na
- Writer
