Chapter 40
*Saycie*
Pagkatapos niyang maglinis ay inantay na rin niya akong matapos kumain. Nagrekomenda pa siyang suklayin ang buhok ko nang matapos akong kumain. Hindi naman ako tumutol at hinayaan na lang si Ate.
“Sobrang ganda mo para ikulong lang dito,” mahinang boses niya habang sinusuklay ang buhok ko. Naginhawaan ako sa ginawa niya. Dahil hindi na talaga ako nagsusuklay o nag-aayos man lang ng buhok ko. Nakaramdam ako ng awa sa boses niya. Naaawa rin ako sa sarili ko. Sobra.
Dumadating ako minsan sa puntong parang ayoko na lang huminga para hindi ko na maranasan ang mga ‘to. Na sana huminto na lang ang t***k ng puso ko para hindi na ‘ko nagdaramdam ng ganito kabigat. Mahirap mag-isa sa apat na sulok ng kwarto na wala man lang liwanag na nakikita mula sa labas. Na kahit ulap ay
