Chapter 33
*Saycie*
Gutom, pagod at hapdi ang sabay-sabay na naramdaman ko. Kung hindi pa ako magmamakaawa ay hindi niya ako pagpapahingain. Hindi ko alam kung saan siya kumukuha ng lakas. Parang hindi siya nakipag-away kahapon kay Liam dahil pambihira pa rin ang lakas niya. Kung ano ang makikita mo sa pisikal ay gano’n din siya.
Nilingon ko siya na tulog na tulog pa. Bahagya pang nakabukas ang labi niya. Isang imahe agad ang pumasok sa isip ko. Naalala ko ang nangyari noon sa bahay ni Lola. Kinuhanan ko pa nga siya ng litrato noon habang natutulog siya. Napangiti ako habang nakatunghay sa kaniya. Para talaga siyang modelo na nagsho-shooting lang. Ang gwapo pa rin kahit tulog.
Naalala ko pa noong gabing hinalikan niya ‘ko. Para akong nahulog sa mahika niya no’ng gabing ‘yon. Tila nagka
