Tumayo na si Kyle at Blake, sumugod ang mga ito sa mga kalaban. Isang suntok sa panga at tadyak sa sikmura agad ang pinakawalan ni Kyle. Sumali na rin si Zac Ansen. Hinarap nito si Kyle. Nasipa sa sikmura ang si Kyle pero nasuntok naman nito si Zac. May nakitang dos por dos si Blake kaya ginamit nito iyon na panghampas sa likod ni Zac. Napaluhod si Zac dahil sa sakit.
"Sumali na rin tayo," utos ni Ryuuji.
Tumango si Jeronne bilang pagtugon. Naglakad ang dalawa papunta sa kaguluhan. Bawat suntok ng kalaban, iniiwasan niya iyon at si Jeronne ang gumaganti ng suntok para sa kaniya. Wala siyang pakialam sa mga bata ni Simon, ito mismo ang gusto niyang durugin!
"Ang gandang pagmasdan ng kaguluhan, 'di ba? Parang mga --" Sinuntok niya ito sa panga. Medyo nawalan ito ng balanse at dumugo ang g
