Pagkatapos magbihis at kumain ng miryenda, pumunta na si Jeronne sa mansyon ng mga Kinimoto. Doon sila magkikita-kita ng mga kaibigan niya. Wala pa ring balita tungkol kay Ashiya.
"Young Master, gusto niyo po ba ng miryenda?" tanong ng kasambahay.
"Hindi ako nagugutom. Sila Blake at Kyle na lang ang alukin mo."
Bahagya itong yumukod at iniwan na siya. Pumunta siya sa lanai para magpahangin. Nakakasakal sa loob ng bahay. Parang hindi siya makahinga. Humugot siya ng malalim na buntong hininga.
Umuwi na si Renji sa Daidojie mansion, nagbabakasakaling tumawag na ang mga kidnappers. Hindi na ito naabutan ni Jeronne. Kakausapin niya sana si Ryuuji pero wala ito sa kondisyon. Ala una na ng madaling araw. Umupo siya sa upuan na gawa sa rattan at tahimik na tiningnan ang kalangitan. Hindi niya
