ALEXIS ALEJO
Ilang oras na lamang ay babalik na kami ng Cebu. Alas kwatro kasi ang kinuhang oras na flight ni Boss Kevin at kasama na namin ito pabalik. Sa ngayon ay balik muna si Boss sa camp crame, marami pa rin itong aasikasuhin doon kasama ang team ni Abet. Ang pagkakaalam ko, mayroon na silang mga nakuhang iilang ebidensiya tungkol sa mga katiwalian laban kay Vice-Pres. subalit hindi iyon sapat para madiin ito sa salang pagpatay sa Presidente. Higit na kailangan namin ngayon ay ang katunayang ito ang mastermind sa kanyang munting palabas. Pero paano naman kaya iyon?
"Ale—"
*THUD
Naglalakad kami ni Joanna sa gilid ng mansiyon para magpatrol nang makarinig kami ng malakas na lagabog ng tila may bumagsak. Nang lumingon kami sa likuran namin ay nakita namin si Kyle na sapo ang mukha h
