DINALA ni Manip sa loob ng kanyang laboratoryo ang katawan ng binatang si Seb. Inihiga niya ito sa isang maliit na higaan sa loob nito na tanging isang luma at maruming kurtina lamang ang nagsisilbing harang.
Makikita sa loob ng laboratoryo ang ilang mga tagusang baso na makikita ang iba’t ibang kulay ng mga likido. May isang tipikal na lamesa rin na sa ibabaw ay may mga nakapatong na libro at mga papel na may kung ano-ano ang nakasulat.
Sa padulong bahagi ng silid ay makikita naman ang isang bilog na lagayan kung saan ay makikita ang bagay na nasa loob nito. May mga kung anong bagay rin ang nakakonekta roon at maraming mga uri ng bato at mineral ang makikitang nasa tabi nito. May mga nadurog nga na nakalagay sa ibabaw ng isang puting papel at kung oobserbahan ito ay tila mga pinag
