SERYOSONG pinagmamasdan ni Rhion si Mars. Naaalala niya ito dahil nagmula ito sa Cleyanero. Ito ay ang naririnig niyang Sero na nilalabanan ang malalakas. Isang hibang na nilalang para sa kanya.
Naalala niya rin nga ang mga sinabi ni Seb nang kasama niya ito. Interesado raw ito sa Sero na ito at iyon ay ang isang bagay na hindi niya nagustuhan. Para kay Rhion ay siya ang pinakagusto ng kanilang pinuno. Hindi man siya kagaya ng mga dati na nitong kasama sa Dakoroso na ipinakilala sa kanya, ramdam naman niya ang pagiging espesyal para rito.
Tanda pa nga ni Rhion ang unang araw na nakilala niya ito. Gusto na niyang kitilin ang buhay niya noon dahil palagi na lamang siyang bigo sa pakikipaglaban sa Enomenos. Kahit anong pagsasanay ang kanyang gawin ay hindi siya magwagi laban sa kanyan
