NAGWAWALA SI DYNA na tinawagan si Jared. Galit na galit siya kay Mike. Gusto niya itong pagsasampalin. Alam niya naman kung bakit ginagawa ito ni Mike. Gusto lamang nito na umurong siya sa kasal upang makasama nito si Liza. Hindi siya tanga para hindi maramdaman ‘yon. Kahit pa ano ang sasabihin nito ay tuloy ang kasal nila. Hindi siya makakapayag na hindi matuloy ang kanilang kasal.
Lalo pa siyang nagalit nang hindi sagutin ni Jared ang kanyang tawag. Nabibilad na siya sa araw. Abala rin pala ito kay Liza. Lahat nalang ay kinukuha ng Liza na ‘yon. Lahat ng atensiyon ay nakukuha na nito. Bait-baitan ang letseng babaeng ‘yon. Naglakad siya nang naglakad dahil nasa gitna siya ng kalsada. Walang taksi siyang makita. May huminto man pero jeep.
“Sasakay ka ba Miss?” tanong sa kanya ni Manong n
