HINDI MAINTINDIHAN ni Liza ang ginagawa ni Mike. Bigla-bigla ay nagbago na naman ang pakikitungo nito sa kanya. Hindi niya ito maintindihan. Nagtataka rin siya kung bakit hindi nito kasama si Dyna nang dumating lalo pa kasama naman nito ng umalis. Gusto niyang tanungin ang lalaki pero hindi niya naman magawa. Mas mabuti na ang ganito, ang iwasan niya ang lalaki para sa ikatatahimik ng lahat.
“Nasaan si Mike?” tanong ni Mama Sarah dahil tumayo si Mike at hindi pa bumabalik.
Nasa isang mahabang mesa sila at kumakain. Si Mike lang ang wala. Ipinasara pa nito ang buong restaurant para sa mga nakiramay. Napalinga tuloy siya upang hanapin ang lalaki na kanina lang ay nasa tabi niya.
“Ang leeg baka maputol,” biro ni Miko sa kanya kaya namula ang kanyang mukha. Lahat ay nagkatawanan. Isa sa uga
