YAKAP NI ARYA si Miko. Nakatulog na ito sa kanyang mga bisig. Katatapos lang ng chemotherapy nito kung kaya mahina na mahina na naman ang katawan. Alam niyang lumalaban ang nobyo para sa kanilang lahat at natutuwa siya dahil doon. This time ay mataas na ang dosage ng gamot sa chemotherapy nito. Umaasa siya na ang bagong gamutan ni Miko ay makakatulong rito. Kumalas siya sa pagkakayakap sa nobyo at inayos ang pagkakahiga nito bago niya ito kinumutan.
Sa tuwing na nakikita niyang nahihirapan ang nobyo ay para siyang nadudurog. Walang araw na hindi siya natatakot na baka mawala sa kanya ang lalaki. Ganun pa man ay kailangan niyang maging malakas. Higit na kailangan siya nito at lalaban sila hanggang sa malagpasan nila ang lahat ng pagsubok.
Minabuti niyang bumaba upang magtimpla ng gatas. K
