LI.
PAGGISING NI EARL ay wala ng tao sa kuwarto nila at tanging siya na lang ang natira. Agad naman siyang napasimangot sa katotohanang hindi siya ginising ng mga kaibigan niya. Para sa kaniya, makasarili ang mga ito. Napakamot siya sa ulo habang bumangon. Agad naman siyang nagbihis ng shorts. Brief lang kasi ang suot niya kapag natutulog. Pagkatapos, dumiretso na siya sa banyo nila para magsipilyo. Nahihiya lang siyang humarap sa kasintahan niya kung hindi niya gagawin iyon. Baka mahimatay pa ito at hindi niya hahayaan iyon.
Nang nagawa na niya lahat ng gusto niyang gawin sa katawan niya ay lumabas na siya ng kuwarto. Dumiretso naman siya sa girls room. Pagbukas niya roon, wala ng tao. Pagtingin niya sa malaking orasan, nanlaki ang mga mata niya. Alas diyes na pala ng umaga. Hindi rin h
