XLIV.
PASKO NA AT nasa bahay nila Lord sila Soshmitta. Inimbita kasi ng pamilya Tanfelix ang pamilya ng Tita Krista niya sa kaarawan ni Kenjie, ang itinuring na ama ni Lord. Habang nasa sala, napayuko lang si Soshmitta. Nahihiya lang siya sapagkat ang sama ng tingin sa kaniya ni Kaito. Para bang kakainin siya nito nang buhay. Nararamdaman niya ang galit nito sa kaniya. Naiintindihan naman niya iyon. Alam niya kung gaano kamahal ni Kaito ang kapatid nito na sinaktan niya.
Walang tigil na si Soshmitta sa pagpadala ng mensahe kay Troy. Gusto niyang dumating na ito para may makausap siya. Wala kasi sa loob ng bahay sina Lord at Lady. Hindi niya rin alam kung saan pumunta ang dalawa. Kasama niya ang mga ito kanina pero nawala na lang bigla ang mga ito.
Para makahinga siya nang maluwag, tuma
