XLV.
NASA LOOB NG bahay nila Lord si MaCo. Kasama naman niya ang kaniyang mga kaibigan sa sala. Nakaupo na muna sila roon sapagkat kakatapos lang nilang kumain. Masaya naman siyang nakamasid sa paligid. Hindi siya makapaniwala na makakita ng maraming mga sikat na artista. Kahit astigin siyang babae, mahilig din naman siya sumuporta ng mga artistang hinahangaan niya. Pasimple rin siyang ngumiti sa mga anak ng artista na kasalakuyang naging artista na rin. Hindi naman siya nadismaya sa ugali ng mga ito sapagkat gumaganti ito ng ngiti sa kaniya.
Napangiti naman siya nang makitang papababa ng hagdan sina Lord at Lady. Pareho pang basa ang mga buhok nito. Kahit hindi man sinabi ng dalawa, alam niyang may nangyayari na sa mga ito. Napapansin niya iyon sa kinikilos ng dalawa. Pero hindi naman
