Lilo
Madiin kong kinagat ang ibabang labi at nilikod ang isang kamay. Nararamdaman ko ang panginginig ng mga daliri ko kahit maayos naman ang pagsalubong niya sa amin.
Nahihiya ako sa tatay ni Lyndon.
Hinalikan niya sa pisngi si Lulu, sa noo at ang maliliit niyang kamay. Parang hinaplos ng malamig na kamay itong puso. Kitang kita ko sa mga mata ng ama ni Lyndon kung gaano siya kasaya na makilala si Lulu.
"I am so happy meeting you my angel. My beautiful angel." Niyakap niya ulit ang anak ko at tila ayaw ng pakawalan sa mga bisig niya.
Hindi ngumingiti si Lulu pero hindi rin natatakot. Siguro ay nagtataka lang siya kung sino itong bumuhat sa kaniya.
"I'm your grandpa or lolo Lennon. Oh my angel!" Muli niyang dinikit ang pisngi sa anak ko. "Oh, my granddaughter." Paulit ulit niyan
