Nasa byahe na kami at hindi iilang beses nang sinulyapan ko siya, pagkat hindi ko maialis ang mga mata sa kanyang sout na kwentas. Maganda, kasing ganda niya.
Pinili niya ang kwentas na may desinyong parang patak ng ulan. Marami itong crystal sa palibot. Tulad ng napili naming hairclip na may desinyong pakpak ng ibon, marami rin itong crystal sa katawan. Natutuwa ako dahil sa dalawang yun. Mas lalo siyang kumikinang. Lalong gumaganda. At dahil do'n, wala na yatang tigil ang tambol ng puso ko sa kaba.
"Fred... Di mo naman kailangang paggastusan ako ng malaki para lang dito." Haplos niya sa sout na kwentas.
Napangiti ako, nararapat lang iyon sa kanya. Lahat ng bagay na magaganda. Nararapat sa kanya.
"It looks good on you." Ani ko na lang.
Hindi ko na alam kung anong naging reaksyon niya
