King Dylan
Pagdating sa loob ng Kaharian ay kaagad bumungad si Spencer, Zurbana, mga Celestial, Prinsesa't Prinsipe kasama ang mga kawal. Sa itsura nila'y mahahalatang 'di sila makapaniwalang kasama ko si Samara.
Gayunpaman ay sinenyasan ko ang lahat na makinig sa akin.
"Anong ginagawa ng babaeng 'yan dito?!" biglang sigaw ni Krymo na ngayon ay na sa tabi ng nakahigan katawan ni Scarlett. Halatang kagagaling lang nito sa pag-iyak.
"Kailangan ni Scarlett ng dugo ni Samara," sagot ko.
"Ngunit hindi sapat ang dugo niya. Kailangan din natin si Buencamino," dagdag pa ni Luna.
"Ang sabi sa 'kin ni Haring Spencer ay papatayin mo ang babaeng 'yan? Dapat pinatay mo na siya kanina pa. Kung gusto mo naman ay ako na lang ang gaagwa no'n, Kamahalan," sambit ni Prinsesa Topea. Laking gulat nang ma
