Scarlett
"Kamahalan, bakit nga ba naisipan mo agad na magtungo sa Bizaer? Hindi pa man tayo nakararating sa Macedonia, paano na tayo?" pagtataka ko.
Kanina ko pa pinagmamasdan ang kilos ni Kamahalan, tila nagmamadali ito na mapadpad sa Bizaer. Samantalang hindi naman talaga siya ganito.
"Kamahalan, paano na ang ligaw na kapangy—"
"Pwede ba, 'wag ka nang magtanong. Sumunod ka na lang!" sigaw niya na siyang ikinagulat ko.
"Kamahalan, nagagalit ka ba?" paniniguro ko. "Pero kasi... hindi mo na ba susundin ang sinabi ng salam—"
"Hindi! Manahimik kang babae ka! Itikom mo ang 'yong bibig!" mariin niyang sabi.
Hindi ko maiwasang masaktan sa kaniyang sinabi kahit pa simple lamang iyon ay may epekto sa 'kin. Bakit kung tingnan niya 'ko ay para bang hindi siya si Haring Dylan? Ang kaniyang kil
