King Dylan
Hindi agad ako nakasagot sa sinabi niya.
"Hindi mo ba nais na ako ang pumaslang sa kaniya?" bigla naman akong natauhan sa tanong niyang iyon.
"Wala akong sinabing ayoko. Hindi ko lang lubos akalain na magiging kakampi ko ang isang tulad mong nagmula kay Federico," tugon ko.
Nagpatuloy kami sa paglalakbay. Tinitiis ang dilim at bawat punong madadaanan ay iniiwasan naming masagi dahil walang kasiguraduhan kung mayro'n ba kaming nilalang na matatamaan. Mabuti na ang maging maingat kaysa pabaya.
Ang totoo ay nabigla ako sa kaniyang sinabi. May parte ng aking puso na para bang ayokong paslangin si Samara ng tuluyan kahit pa ako mismo ay muntikan siyang mapatay. Marahin nagawa ko 'yon sa kaniya ngunit sapat ang aking rason. Sa kabila ng laha ay naroon ang isang bagay na pilit na
