Samara
•KAHARIAN NG GUSIO•
Napaigtad ako pagkarinig sa umaatungal na tinig, iyon pala ay si Federico. Nag-aalala itong lumapit sa 'kin at ako'y kaniyang niyakap.
"S-sandali... masakit. Huwag mo 'kong hawakan," tugon ko.
"Batid kong matindi ang sinapit mo sa ginawa ni Dylan, magpagaling ka pa ng husto," sambit niya.
Hindi agad ako nakaimik. Poot ang siyang tanging nangingibabaw sa 'king dibdib animo gusto ko nang gumanti. Hindi ko akalaing magagawa niya sa 'kin iyon. Hindi lubos inaasahang handa siyang patayin ako para lang iligtas ang Scarlett na 'yon! Galit ang nararamdaman ko hanggang ngayon at sa ginawa niyang iyon ay mas lalo niya 'kong binigyan ng rason para kamuhian siya at isumpa.
Hinding-hindi ko siya mapapatawad!
"Gusto kong maghiganti! Gusto kong ako ang humarap sa kani
