King Dylan
Mabilis akong napabangon nang makarinig ng yapak palapit sa 'kin. Pagmulat ng mata ay bumungad ang mukha ni Scarlett dala ang isang palayok.
"Kamahalan, paumahin hindi na 'ko nag-atubili na magpaalam pa. Ginawan kita nang epektibong tsaa. Mainam ito upang madaling maibalik ang enerhiyang nawala sa pakikipagdigmaan. Huwag kang mag-alala, ang lahat ay nagawan ko na," sambit niya na nakangiti.
"Salamat, Scarlett. Magpahinga ka rin." nginitian ko ito pabalik.
Yumuko ito at nagbigay galang bago muling magsalita, "Gusto kong pasalamatan ka sa pagliligtas mo sa 'kin, Kamahalan. Kahit pa alam kong hindi madali na makaharap mo sa isang digmaan ang taong pinagkatiwalaan mo, tinalikuran mo 'yon at mas pinili mo pa rin na saluhin ang patalim na sana'y tatama sa 'kin."
"Wala kang dapat
