“Senyor Rafael…” mahina ngunit puno ng pag-aalinlangan ang tinig ni Helen. “Mukhang hindi po yata madaling gawin ang sinasabi ninyo. Kung papayag man po ako sa kagustuhan ninyo… paano kung hindi pumayag ang anak ninyo? Si Dimitri po… siguro naman may sarili na siyang isip para magdesisyon sa buhay niya, hindi po ba?”
Napayuko siya sandali, pinaglaruan ang kanyang damit.
“Hindi ko po alam kung bakit ako, Senyor. Marami namang babae diyan, mas maganda, mas matalino, mas malaya kaysa sa akin. Bakit ako ang gusto ninyong ipakasal sa kanya? Hindi ko po lubos maisip kung anong nakita ninyo sa akin para ibigay ninyo ang ganito kalaking tiwala. Para bang… sobra-sobra ang inaalok ninyo, pero ako… ako’y isang taong winasak na ng mga maling akusasyon at pang-aapi. Paano ko po haharapin ang isang t
