UNFAITHFULLY YOURS
Joemar Ancheta
Chapter 34
Daniel’s Point of View
Hinintay ko si Janine hanggang maipasok niya ang kanyang motor. Nakangiti itong lumapit sa akin nang naiparada na niya ang motor sa tapat ko.
“Narinig mo ‘yon? Tinawag ka ni Mama na anak?”
“Oo nga eh. Ang cool naman ni tita?”
“Cool talaga ‘yan saka mukhang boto sa’yo.”
“Bakit pala ngayon mo lang kami ipinakilala sa isa’t isa?”
“Malay ko bang gusto ka niyang makilala.”
“Baka gusto niya akong makausap. Baka naman gusto niyang layuan na kita. Kinabahan tuloy ako.”
“Ano ‘to? Teleserye? Wala kang problema kay Mama, ako na ang nagsasabi sa’yo. Tara na sa loob.”
Iniwan ko si Janine sa sala. Naiinitan kasi ako sa uniform ko. Paglabas ko wala na si Janine sa sala. Kinabahan ako. Baka nga tama ang sinabi niya kanina.
