UNFAITHFULLY YOURS
Joemar Ancheta
Chapter 24
Daniel’s Point of View
Mabilis na naglakbay ang aking mga luha. Hindi ko na kinakaya pa. Luha ng matinding kasiyahan. Nararamdaman ko kasing binibigyan na ako ni Mama ng basbas. Na pumapayag na siyang magkaroon ako ng karelasyon.
“Responsable sa anong bagay, Ma?”
“Sa lahat. Mag-aaral ka ba ng mabuti? Mapapanatili mong mataas ang iyong mga grado, matatapos mo ang iyong kurso, maaalagaan mo ang katawan mo at higit sa lahat, kaya ba ninyong itago ito ni Janine kay Papa hanggang makatapos kayo?”
“Pumapayag ka na ‘Ma?”
“Kung kaya ninyo ang mga sundin ang mga sinasabi ko, ibibigay ko sa’yo ang pahintulot.”
“Talaga ho?”
“Oo nga.”
“Salamat ‘Ma. Maraming salamat ho.” Nahihikbi ako sa sobra kong saya.
“Sige, magpagaling ka. Magpalakas ka at su
