One week later…
MAKALIPAS ANG ISANG LINGGO ay magaling na magaling na si Mercilita. Nakalabas na ito sa ospital kung kaya tinutulangan siya nitong asikasuhin ang kanyang ina. Nakapag-file na rin sila ng kaso laban kay Brent. Patong-patong ang kinakaharap nitong kaso. Kasalukayan itong naka-hospital arrest. Kahit ang ina na kinikilala nito ay sukdulan hanggang langit ang galit kay Brent at hindi naman nila ito masisisi dahil pinatay ni Brent ang tunay na anak nito.
Nakangiti s’ya habang pinagmamasdan niya ang ina at ama ni Mercilita. Sa kanila muna nakituloy ang mga ito dahil na rin sa pakiusap niya. Hanggat maari ay ayaw niya munang umuwi ang mga ito para makasama pa ng matagal ni Mercilita ang mga magulang.
Hindi muna pinadampot ni Sebastian si Tito Leo sa mga pulis dahil alam niyang i
