“SIGURADO ka bang mas okay itong gagawin natin Sebastian?” tanong sa kanya ni Mercilita. Susunduin nila ang Doctor na magsasagawa ng DNA test. Ang mismong doctor ang pupunta sa bahay ni Pinky upang kumuha ng DNA samples. Sa ganoong paraan ay hindi na s’ya maloloko ni Pinky. Hindi na siya nito malilinlang.
“Ito ang tama na gagawin natin para masiguro kong walang gagawin ang pamilya na ‘yon. Ayoko nang bigyan sila ng pagkakataon na muli tayong paglaruan,” sagot niya sa babae.
Lulan na sila sa sasakyan para sunduin ang doctor. Mismong si Tito Leo ang kausap n’ya at sinabi nito sa kanya ang address ng bahay ng mga ito. Tiyak niyang gigil na gigil na ito sa perang makukuha sa kanya.
Ginagap n’ya ang kamay ni Mercilita habang nagmamaneho s’ya.
“Handa ka bang maging instant mommy ng magiging
