KANINA PA NAKASUNOD si Nessie kay Pinky at sa ina nito. Ang walang hiya niyang ex-boyfriend na si Niel ay talagang ibinahay na si Pinky. Kitang-kita niya pa kung paano magpaalam si Niel kay Pinky kanina. Ang sweet-sweet ng mga ito na akala mo wagas ang pag-ibig sa isat-isa. Napapangiwi na lamang siya sa nakikita.
Ano kaya ang mararamdaman ni Pinky kapag nalaman nito na sa isang bakla galing ang pera ni Niel? Hindi niya maiwasang hindi isipin ang mga ‘yon habang nagmamaneho.
Naiinis na siya dahil kanina pa siya naiipit sa traffic. Hindi niya alam kung saan pupunta ang kanyang sinusundan. Dalawang araw niya nang binantayan ang mga kilos ng mag-ina. Hindi siya tumanggi nang pakiusapan siya ni Sebastian na sundan ang mag-inang Pinky. Pinahiram din siya nito ng sasakyan para hindi siya mahira
