Matamang nakatitig si Stefano sa lalaking nasa harapan niya, para silang nagpapaligsahan sa kung sino ang kukurap iyon ang magiging talunan. Mabuti na lamang at pumagitna na si Harrieth sa dalawang lalaki. "Ano ba ang ginagawa ninyo, para kayong mga bata. Kita ninyo ang kambal at natatakot na sa inyo." saway niya. Lumapit na siya sa mga ito para kung sakali man ay maaawat niya kaagad ang mga ito.
Bumaling sa kanya ang dalawa. "If seeing a man at this early in front of my door, I would be terrified, too." ani Stefano. Alas sinco y media pa lang kasi iyon ng umaga. Maaga lang silang nagising dahil maagang bumangon si Nevaeh na sinundan naman kaagad ni Heaven. Nagulat pa ang mga ito nang mabungaran si Stefano, mabuti na lang at magkapitbahay lang sila at sinabi niya na lang na sinusundo niya
