Tahimik si Harrieth habang nagsasandok ng kanin para sa kambal. Si Stefano naman ay pinaghihimay ang mga ito nang nabili nilang sugpo pagkagaling nila sa parke. Ang mga bata na dati ay maingay ay himalang nananahimik na waring nakikiramdam. Nagtatanong siguro ito kung bakit bigla na lang nasa bahay na naman nila si Mr. Skunk at nakikikain na naman.
Tinitigan ni Harrieth ang kanyang mag-ama, kayganda nilang pagmasdan. Maalaga si Stefano, malambing at talagang kinakarer nito ang pagiging tatay ng mga anak niya kahit hindi pa man nila naipagtatapat sa mga bata ang tunay nitong katauhan. Pagkatapos nilang kumain ay inayos niya muna ang kambal at pinatulog na ito sa kanilang kwarto samantalang siya ay bumalik sa kusina para magligpit ng pinagkainan. Nadatnan niya si Stefano na halos patapos n
