AVA
Umupo ako sa kama at napatingin sa loob ng silid. Kapag ganitong nag-iisa na ako ay hindi ko maiwasang maalala ang Nanay at mga kapatid ko. Nakakalungkot lang na walang natira sa akin.
Nag-init ang sulok ng mata ko. Hindi ko maiwasang maluha sa tuwing naalala ang ina at kapatid ko. Ang hirap mamuhay ng mag-isa. Pakiramdam ko ay wala ng silbi kung makatapos ako ng pag-aaral. Sino ang pagbibigyan ko ng achievement ko? Sila lang naman. Pinahid ko ang luha kong pumatak sa pisngi ko nang umingit ang pinto. Bumukas iyon. Pumasok si Jaxson na bagong ligo at may hawak na tray.
“Dito na tayo kumain para hindi ka na lalabas.” Suggestion ni Jaxson.
“Nakakahiya naman sa iyo, nagluto ka pa. Ako na lang sana ang inutusan mo, sanay naman ako sa pagluluto,” sabi ko. Napasulyap ako sa tray. May
