"Dad, where have you been?" agad kong tanong nang pagbuksan ko siya ng pinto. Halata sa mukha niya ang dinadalang problema.
"Sinundan ko ang mommy mo." Laglag ang balikat niya habang naglalakad patungo sa sopa saka naupo.
"Nasaan po siya?" Tumanaw ako sa labas dahil baka nahuli lang si mommy ng dating pero hindi ko makita ang kotse niya.
"Nasa bahay ng mga tita mo."
"Kina Tita Marites?" tukoy ko sa kapatid ni mommy. Isang guro sa elementarya si Tita Marites. Panganay siya sa tatlong magkakapatid. "Galing kayo roon, pero lasing po kayo." Nagtataka kasi ako dahil hindi naman umiinom ng alak ang dalawang kapatid ni mommy. Isa pa ay galit sila kay daddy noon pa at hindi ko alam kung bakit kaya nungka na painumin nila si daddy ng alak sa bahay nila.
"Dumaan ako sa bar. Napainom lang nang
