Nadismaya ako nang dumating ako sa bahay at sinabi sa akin ni Ate Ana na kailangan niyang umalis. Tinawagan daw siya ng nanay niya at nasa ospital ang kaniyang anak. Single parent kasi si Ate Ana at iniiwan niya sa nanay niya ang kaniyang anak para makapagtrabaho siya bilang kasambahay.
Walang tutulong sa akin sa pagluluto. Hindi ko naman siya puwedeng pigilan dahil anak niya iyon. Mas kailangan siya sa ospital kaysa rito sa bahay.
Napaupo na lang ako sa sopa nang makaalis na si Ate Ana. Mag-isa na naman ako sa bahay. Kung alam ko lang na aalis si Ate Ana ay sana hindi ko na pinabalik si Samuel sa opisina niya.
Alas kuwatro na ng hapon at kailangan kong magmadali dahil tatlong putahe ang kailangan kong lutuin. Naligo muna ako saka bumaba ng kusina. Inihahanda ko na ang mga sangkap nang
