Tapos na kaming maghapunan at ako ang nagprisinta na magligpit ng mga pinagkainan. Niyaya naman ni daddy si Samuel sa living room. Si mommy naman ay umakyat sa kuwarto nila ni daddy.
Inilagay ko sa ref ang mga natirang pagkain saka hinarap ko ang mga hugasin sa lababo. Masama ang loob ko kay daddy lalo na nang tumanggi siya na magtrabaho ako sa hardware. Dumito na lang daw ako sa bahay tuwing weekend. Alam ko na mas gusto niya na wala ako sa hardware dahil pumupunta roon ang kabit niya.
Nasa kalagitnaan na ako ng paghuhugas ng mga plato nang pumasok si Samuel sa kusina. Binuksan niya ang ref at kumuha ng ice cubes. Hindi ko siya pinansin dahil naiinis ako sa ginawa niya kanina. Tila ba sinusulsulan niya si dad laban kay Jeffrey.
"Are you mad at me, honey?" tanong niya.
Itinuon ko ang a
