"ALAM ba ito ng daddy mo?" tanong ni Hunter. Tulad ko ay naguguluhan din ito sa mga lumalabas sa bibig ko.
"Oo, inilihim daw ni Dad sa akin. Ang sabi sa akin ni Rosalie, si Royce raw ang nakadiskubre ng sekreto nina Dad at Mommy."
"Alam ba ng daddy mo na anak ka ni Rosalie?" tanong ni Hunter sa akin.
"Hindi ko alam, ang totoo nalilito na ako Hunter. Hindi ko na nga alam ang gagawin ko," sagot ko rito.
Ang totoo, gusto kong maglasing dahil sa matinding inis at poot para kina Rosalie at Dad. Iyong tipong ang bigat ng dibdib ko dahil sa bigat na nararamdaman? Iyon ang nadarama ko. Ginawa nila akong tanga, pinaglaruan ang munti kong damdamin.
"Ang mas mabuti mong gawin ay ang makausap ang daddy mo at si Rosalie. Karapatan mo rin kasing malaman ang katotohanan," suhestiyon ni Hunter sa a
