Guardian Instinct (Kairo’s POV)
Hindi ko alam kung kailan eksaktong nagbago ang lahat. Kung kailan ang simpleng team-building activity ay naging isang sandaling muntik nang wasakin ang puso ko. “Yanna! Ingat!” Sigaw ko ‘yon...hilaw, magaspang, puno ng takotnang makita kong dumulas ang paa niya sa lubid ng tulay na nakaangat sa ibabaw ng maliit na lagoon. Parang bumagal ang oras. Parang huminto ang mundo. Ang tawanan ng mga empleyado ay naputol, parang may pumutok na salamin sa hangin. Nakita ko kung paano lumaki ang mga mata niya, kung paano nanginginig ang tuhod niya, kung paano kumapit ang mga daliri niya sa manipis na lubid na parang iyon na lang ang humahawak sa kanya sa buhay. At sa isang iglap, may isang bagay sa loob ko ang sumabog. Hindi isip. Hindi lohika. Instinct. “Huwag kang gagalaw!” sigaw ko ulit, ma
- Writer
