Mayroon din palang mga chismosa kahit sa mga ganitong pang mayaman na subdivision.
Paano ba naman, ang aga-aga pa ay nagkukumpulan na sila sa ilalim ng acacia sa may tapat ng bahay ng homeowners president ng lugar na ito.
Mukhang mga kasambahay ata sila dahil sa pangalan pa lang ng subdivision na ito, mamahalin na.
Bago-bago pa lang kasi kami rito kaya't hindi ko pa sila kaclose pero kung matagal na ako rito, panigurado magiging nanay na nanay na ako at nakikipagchismisan na rin sa kanila.
Teka! Bakit patingin-tingin yung babae na yun dito?
Agad akong lumabas ng pintuan mula sa pagkakadungaw sa bintana nagbabakasakaling maririnig ko kung ako ba ang pinag-uusapan nila.
Pagkalabas ko palang ng pintuan ay todo pulasan na sila upang makabalik sa kanilang mga puwesto.
Aba! Kung pa
