Naging maayos ang sitwasyon namin ng anak ko sa piling ni mama at papa at mula noon ay wala na akong natanggap ni isang salita mula kay Aaron. Sana naman ay mabuti na ang kalagayan niya at tuluyan na siyang gumaling. Umaasa pa rin akong mabubuo ang pamilya namin.
*Pagkalipas ng siyam na buwan*
"Happy birthday to you, Happy birthday to you, Happy birthday, Happy Birthday. Happy birthday to you!" awitan ng mga bata at maging ng mga matatanda sa kaarawan ni Amara.
Mabilis na lumipas ang panahon ngunit masaya ako dahil ang akala ko ay matatapos ang taong ito na puro mga pangit na kaganapan lamang ang mangyayari pero sa pagtingin ko sa paligid, masaya ang lahat, maayos at tila balik na lahat sa dati. Naging malungot man ang kaarawan ko tatlong buwan ang nakalilipas, ngayon ay masasabi ko n
