GWYNETH'S POV
"HAVE a seat," istrikto at maawtoridad na utos ng matandang lalaki sa akin nang makarating ako sa isang private restaurant na pagmamay-ari ng pinsan ni Grey.
Dito nila napagdesisyonan na isagawa ang tinatawag nilang meeting ng buong pamilya dahil nalaman ng mga lolo at lola ni Grey ang tungkol sa amin.
Binundol ng kaba ang puso ko dahil kaharap ko ngayon ang pinaka-ulo ng pamilya Williams— ang lolo ni Grey. Siya na lang sa magkakapatid ang nabubuhay at kung hindi ako nagkakamali ay nasa edad noventa na ito, maging ang asawa niyang nasa tabi niya— ang lola naman ni Grey ay hindi nalalayo ang edad sa kaniyang kabiyak.
Nang mabasa ko ang laman ng sobrang iniwan ni Grey ay siyang pagkuho ng mundo para sa relasyon naming dalawa. Doon ay sinabi ni Grey na alam niya ang dahilan
