GWYNETH'S POV
"PAPUNTA na nga," nakukulitang saad ko saka ibinaba ang telepono dahil kanina pa tawag nang tawag sa akin si Aubrey. Kinukulit ako kung nasaan na raw ba ako at kanina pa siya naghihintay.
Kanina ko pa kasi sinabing on the way na ako pero ang totoo, naliligo pa lang ako n'on. On the way sa banyo talaga ang ibig kong sabihin, hindi ko lang nadugtungan nang sadya. Oo, sadya talaga.
Binagalan ko talaga ang kilos ko dahil ganoon din naman siya. As if hindi ko alam na sa aming dalawa, siya ang palaging late.
Pupunta kasi kami ngayon sa salon na pagmamay-ari din naming dalawa. Pipili kami ng mga staff doon na pwedeng mag-ayos sa family members namin at iba pang mga kakilala namin na me-make-up-an nila.
Gusto kasi namin ni Aubrey na talagang makilala ang mga ito. Usually kasi,
