Pasado alas singko na nang hapon ng masiglang dumating ang dalaga sa bahay, kung hindi lang napakahalaga ng lalaking kanyang bisita ay malamang kanina pa niya ito iniwan.
Pagbukas niya ng pinto, “Hello hon! Nasaan ka na?”
Walang sumasagot pero napansin niya ang maleta nito na naka-ready na sa tabi ng sopa. Parang may karayom na sumundot sa kanyang puso, alam niyang aalis na at muli na namang maghihiwalay ang landas nila ng binata na maaring hindi na muling magpanagpo pa.
Lumukob ang lungkot sa kaniyang pagkatao.
“ Nasaan kaya siya?” Muli niyang anas sa sarili na tila may bikig sa lalamunan.
Tinungo niya ang refrigerator gusto niyang uminom ng tubig.
Nagulat siya dahil naulinigan niya ang boses ng binata na para bang may kausap habang nasa loob ng Comfort room na katabi ng kusina.
