LAHAT ay naghihintay ng sagot. Marami ang kinikilig. Mayroon din naman paninibugho lalo sa mga may gusto kay Jaden at Ysabel. Ngunit ang pinaka marami ay ang mga curious sa totoong estado ng relasyon ng dalawa.
"Aamin na yan!" sigaw ng isang lalaki mula sa mga kaklase nila.
"Oo nga. Wala naman masama kung aamin na kayo!" boses ng isang babaeng kaklase din nila.
"Aamin na...aamin na...aamin na..." sabay sabay nang kantiyaw ng karamihan na pinangungunahan ng ngiting ngiti na si Nathan.
"Ulol!" Si Jaden at pinatutungkulan ang kaibigang si Nathan. Pagkatapos ay sumeryoso. "We are not a couple! Ysabel and I are just friends! Walang ibig sabihin ang pagkakapareho namin ng shorts. Nagkataon lang at walang ibig sabihin ito."
Bawat katagang binibitiwan ni Jaden ay patalim na sumusugat sa puso
