SA isang sikat na swimwear shop siya dinala ni Jaden pagkatapos nilang kumain. Nagtataka man ay walang salitang sumunod si Ysabel dito. Iniisip niya na baka bibili si Jaden ng board shirts since malapit na ang summer vacation at siguradong sa beach resorts nila Austin o kaya nila Sabrina na naman sila madadalas. Ngunit nagtaka siya ng sa section ng mga swimwear na pambabae siya nito dinala.
"Pili ka na," anito sa kanya.
"Ha? Ako? Hindi ko kailangan ng mga yan! Hindi naman ako marunong lumangoy kaya diko kailangan ng swimwear," aniya rito at maglalakad na sana palabas ng shop ng pigilan siya ni Jaden.
"I'll teach you!" anito.
"Kahit na. Mahal ang mga yan wala akong pera. Halika na!" aya niya dito.
"I'll pay. I'll buy it for you!"
"Nasisiraan ka na ba! Ang mahal kaya ng mga yan," tangg
