#TPSKKabanata23
OCTAVIA ‘V’
“You okay, now?”
Inirapan ko si D at pahablot na kinuha ang cornetto sa kamay niya bago sumampa sa likod ng pick-up niya. Dumaan muna kami saglit sa condo niya para lang palitan iyong sasakyan niya dahil inaya niya akong mag-roadtrip.
Siyempre may atraso sa akin kaya bumabawi.
Hinablot niya sa kamay ko iyong cornetto at siya na mismo ang nagbukas no’n. Kinuha ko naman ang brown bag na pinaglalagyan ng fries at burger na binili niya rin para sa amin.
Nandito kami sa Antipolo, tanaw na tanaw ang city lights dito sa madalas naming tambayan. Mainit pa rin ang mga mata ko at masakit, pero wala na ang bigat sa loob ko.
Iyon nga lang sinusumpa ko pa rin si Sasha at ang bangs niyang akala niya kinaganda niya pero bunot naman ang datingan. Bwisit na babae ‘yon
