"Hey man, ano nanaman problema mo?" tapik na lang sa kanya ni Vincent.
Kasalukuyan silang nag-iinuman ng mga ito, nagkataon kasi na nagkasabay-sabay sila ng libreng oras ng araw na iyon kaya naman napagdesisyunan nila na magkita-kita.
"Parang natalo ka nanaman sa pustahan ah," natatawang saad na lang ni Jordan habang iniaabot ang isang malamig na bote ng beer sa kanya.
Isang malalim na buntong hininga lang ang pinakawalan ni Raymond bago lagukin ang naturang inumin. Sadyang hindi niya maintindihan ang bigat na nadarama ng mga oras na iyon.
"Oo nga dude!" pansin naman ni Andrew na naka-alalay sa iika-ikang si Luke habang papalapit sa kanila.
"Ano bang pinoproblema mo?" dugtong naman ni Luke.
Napalagok na lang siyang muli sa hawak na bote, hindi niya magawang masabi sa mga kaibigan ang
