"Kailangan ba talaga natin tumira dito, ayos naman tayo doon sa condo mo hindi ba," nanginginig niyang pakiusap sa asawa.
Ayaw pa rin mawala sa kanyang pakiramdam ang kakaibang takot kahit ilang oras niya ng paulit-ulit na sinasabi sa sarili na wala naman dapat siyang ikapangamba.
Hindi rin nakatulong ang gara ng naturang lugar dahil tila nanliliit siya ng mga sandaling iyon habang pinagmamasdan ang malaking gate. Tila ba isang buong kanto yata nila ang laki noon na mayroon mataas na bakod na puno ng mga halaman.
Nakaparada ang sasakyan ni Ray sa harapan ng gate dahil napansin nito ang panginginig at pamumutla niya nang akmang papasok na sila.
"Sweety, you don't have to worry. Like I said, madalang naman na nandito si daddy. Isa pa, mas mababantayan ka dito kaysa doon sa condo, wala ka
