Wala pang kalahatian ng palabas ay knocked out na si Rafa.
"Bukas na ang gising niyan," nangingiting sabi niya.
"Ihatid na natin siya kay yaya tapos bumalik tayo sa restaurant," sabi nito sa kanya.
Tumango siya at naunang tumayo mula sa pagkaka-upo nila sa couch. Maingat na binuhat naman ni Brix si Rafa na siguradong kahit anong gising ang gawin niya ay hindiito didilat.
"Sunduin kita in fifteen minutes," sabi nito sa kanya ngunit umiling siya sa pagtataka nito. "Bakit?"
"Ako na ang pupunta sa iyo," tumango na lang ito. Humalik muna ito sa noo ng natutulog niyang anak bago hinalikan din sa pisngi ang kanyang ina.
Ini-lock nito ang pintuan nang makalabas. Agad naman siyang naghanap ng maisusuot. Buti na lang at may dala siyang simpleng bulaklaking bestida at maayos na sand
