"Anong nangyayari sa iyo, Marsh?" napalingon siya sa ina na salubong ang kilay habang nakatingin sa kanya.
Kasalukuyan siyang nag-duduwal sa lababo. Iniwan nga niya ang paglalaba dahil nahihilo siya kanina pa, ngayon naman ay nasusuka siya. Hindi niya maintindihan kung bakit ganoon ang nararamdaman.
Naghilamos muna siya bago hinarap ang ina. "Hindi ko nga po alam, Nay. May nakain yata ako kagabi kaya sinamaan ang sikmura ko."
"Eh baka nga. Pero hindi ka ba nagkape kanina?" Dinama nito ang noo niya. "Hindi ka naman mainit. Baka hindi ka uminom ng kape kanina kaya nalamigan ang tiyan mo."
"Hindi nga po yata pero kumain naman ako ng almusal," sagot niya. Ang hapdi ng tiyan niya ay gumuguhit talaga. "May manzanilla po ba tayo?"
"Kunin mo sa ibabaw ng tokador...ay hindi. Maupo
