Liza
Halos maubos ang hangin sa aking baga sa bilis ng takbo na ginawa ko palabas ng hotel. Ilang beses din akong nadapa dahil sa sapatos na suot ko.
Minabuti kong magyapak na lang para mabilis akong makatakbo palayo. Hindi ako dapat mahuli ng body guard ni Buwitre! Kailangan ko nang lumayo sa lugar na ito.
Habang mabilis akong tumatakbo ay hindi ko na nagawang lingunin pa ang likuran ko sa takot na maabutan ako ng mga tauhan ni Buwitre. Bigla na lamang may pamilyar na boses akong narinig.
"Liza!!!" Pagtawag nya
Huminto ako. Halos kapusin ako ng hininga at napahawak ako sa poste na nasa gilid ko.
Nilingon ko ang taong tumawag sa akin.
Parang lumiwanag ang mundo ko nang makita ko sya!
Agad akong tumakbo palapit Kay Alex.
Sakay sya ng kanyang sasakyan ng mga oras na iyon.
