Nagsamaan ng tingin ang tatlong lalaki sa bawat isa pagkatapos nila pare-pareho na mag-deklara ng iisang bagay. Sa pagkakataon na ito ay isa lang ang pinag-aagawan nila. Wala iba kundi ang walang malay pa rin na si Vana.
Sinubukan naman ni Shiva na kalasin ang dalawang binata mula sa pagkahawak nito sa kanya pero lalo lang yata naging kapit tuko ang mga hawak nila sa paanan niya. Kaya sa sobra na pagkayamot ni Shiva ay malakas na sinisipa niya ang mga ito palayo. Kaso mas yumakap lang ang mga binata sa paa niya.
"Bumitaw nga kayo!" asar na hiyaw ni Shiva at mas pinagpag ang mga paa niya.
Ngunit dahil sa buhat buhat niya sa kanyang braso si Vana ay bahagya nawawalan siya ng kanyang balanse tuwing susubukan niya na ipagpag pataas ang mga paa niya.
"Sabing bumitaw kayo!" muling pag-utos
