Nang matapos ang pulong na iyon ay agarang pinatay ni Finnegan ang kanilang video meeting. Lumipas pa ang ilang sandali na namayani ang katahimikan sa kanyang paligid.
Dahil dito ay kinakabahan na nilingon siya ng kanyang mga tauhan na kasa-kasama sa kwartong iyon. Tinatantiya nilang lahat ang mood na mayroon ngayon ang kanilang pinuno pagkatapos ng pulong na iyon.
Hindi naman nagtagal ay pumaskil ang malawak na ngisi sa labi ni Finnegan. Iyon ay dahil sa naging maganda ang resulta ng kanilang meeting na iyon.
Labis na hindi niya inaasahan na mas maganda pa pala ang kalalabasan ng pagsibol ng bagong variant na ito. Dahil ang dati niyang pinoproblema na malaking koneksyon ng presidente ng Pilipinas sa ibang bansa ay biglang na lang naglaho.
Maaaring nagawang ibaling ni Shiva ang atens
